2028 جىلى لوس-اندجەلەستە وتەتىن وليمپيادا ويىندارى سپورت تاريحىندا جاڭا كەزەڭنىڭ باستاماسى بولماق. حالىقارالىق وليمپيادا كوميتەتى (حوك) جارىس باعدارلاماسى مەن جولداما سانىنا قاتىستى تۇبەگەيلى وزگەرىستەردى بەكىتتى. ەندى بۇل وليمپيادا مەدالьدار سانى بويىنشا ەڭ اۋقىمدى ويىنداردىڭ بىرى اتانعالى تۇر — 351 ديستسيپلينا بويىنشا جۇلدەلەر ساراپقا سالىنادى. بۇل پاريجدەگى وليمپيادامەن سالىستىرعاندا 22 جۇلدەگە ارتىق, دەپ حابارلايدى Shalqar.kz ۇوك-تىڭ رەسمي سايتىناسىلتەمە جاساپ.

ۇيىمداستىرۋشىلار مەن حوك-تىڭ بىرلەسكەن شەشىمىمەن وليمپيادا باعدارلاماسىنا بەس جاڭا سپورت تۇرى قوسىلدى: بەيسبول/سوفتبول, كريكەت, فلاگ-فۋتبول, لاكروسس جانە سكۆوش. وسى سپورت تۇرلەرىنە 698 قوسىمشا جولداما بولىندى.

باعدارلاما جاساقتاۋ بارىسىندا حالىقارالىق سپورت فەدەراتسييالارىنىڭ ۇسىنىستارى مەن گەندەرلىك تەڭدىك, شىعىنداردى وڭتايلاندىرۋ, كورەرمەن قىزىعۋشىلىعى جانە سپورتشىلار مۇددەسى سىندى نەگىزگى قاعيدالار ەسكەرىلدى.

وليمپيادا تاريحىندا العاش رەت كوماندالىق سپورت تۇرلەرىندە ايەلدەر كوماندالارىنىڭ سانى ەرلەرمەن تەڭەسەدى نەمەسە تىپتى ارتىپ تۇسەدى. سۋ دوبىنان ايەلدەر اراسىنداعى تۋرنيرگە ەندى 12 كوماندا قاتىسادى, ال ايەلدەر فۋتبولىنا العاش رەت 16 قۇراما جولداما الادى — بۇل ەرلەر تۋرنيرىنەن 4 كومانداعا كوپ.

جەكە سپورت تۇرلەرىندە دە گەندەرلىك تەپە-تەڭدىككە ەرەكشە مان بەرىلدى. ماسەلەن, بوكستا ايەلدەرگە ارنالعان جاڭا بىر سالماق دارەجەسى ەنگىزىلدى. قازىرگى تاڭدا ەرلەر مەن ايەلدەر بىردەي جەتى سالماقتا جۇلدە ۇشىن تالاسادى.

وليمپيادا باعدارلاماسىنا التى جاڭا ارالاس كوماندالىق جارىس قوسىلدى: جەڭىل اتلەتيكا (4×100 م ەستافەتا), نىسانا كوزدەۋ, ۇستەل تەننيسى, گولьف, گيمناستيكا جانە جاعالاۋدا ەسۋ.

سونداي-اق, بىرقاتار سپورت تۇرلەرىندە جاڭا فورماتتار ەنگىزىلدى:
 • جۇزۋ: ەرلەر مەن ايەلدەرگە ارنالعان 50 مەترلىك جاڭا قاشىقتىقتار;
 • جاعالاۋدا ەسۋ: جەكەلەي جانە ارالاس ەكىلىك قايىق جارىستارى;
 • قۇزعا ورمەلەۋ: بوۋلدەرينگ پەن قيىندىق دەڭگەيى بولەك مەدالьدار ۇشىن وتكىزىلەدى;
 • 3×3 باسكەتبول: ەندى ەرلەر مەن ايەلدەرگە 12 كوماندادان قاتىسادى (بۇعان دەيىن 8 بولعان).