Qazaqstan tağı bir jahandıq jarısta aldıñğı qatarğa şığuı mümkin. Qarağandı mañınan tabılğan jaña ken ornı elimizdiñ sirek jer elementteri boyınşa älemde üşinşi orın alatın elge aynaluına jol aşuı ıqtimal, dep habarlaydı Shalqar.kz.

Bwl jañalıq Özbekstannıñ Samarqand qalasında ötken Europalıq Odaq – Ortalıq Aziya sammiti qarsañında jariyalandı. Tabiği resurstar men geosayasi müddeler toğısqan kezeñde bwl jañalıqtıñ jariyalanuı kezdeysoq emes.

Jaña ken ornı “Jaña Qazaqstan” dep atalıp otır. Onıñ qoynauında smartfondardan bastap, drondar men sputnikterge deyin qajet bolatın sirek kezdesetin elementter — ceriy, lantan, neodim, ittriy bar. Bwl metaldar – cifrlı tehnologiyalardıñ jüregi.

Qazirgi bağalau boyınşa, mwnda jalpı 935 400 tonna sirek jer elementteri bar. Ken qorı 300 metr tereñdikte, är tonnada orta eseppen 700 gramm sirek metall bar dep boljanuda.

Alayda mamandar salqınqandılıqtı saqtauğa şaqırıp otır. Georgiy Freyman bastağan täuelsiz sarapşılar qauımdastığı bwl mälimetterdi naqtılau üşin äli de barlau, zertteu jäne ekonomikalıq tiimdilikti bağalau qajet ekenin aytadı.

“Ken ornı dep aytu üşin tek şikizat qorı emes, onı öndirudiñ jolı, narıqtağı swranıs, ekologiyalıq jäne ekonomikalıq model'der eskerilui tiis,” – deydi Freyman.

Ayta keteyik, bwl aumaqta barlau jwmıstarı 2022 jılı bastalıp, alğaşqı nätijeleri 2024 jıldıñ qazanında ükimetke wsınılğan.

Ken ornı tabılğanı turalı jañalıq Euroodaq sammiti qarsañında jariyalanğanı tegin emes. Euroodaq Qazaqstanmen 2025–2026 jıldarğa arnalğan jaña Jol kartasın bekitti. Qwjat geologiyalıq barlau, zertteu jäne innovaciya salalarındağı seriktestikti keñeytudi közdeydi.

EO elşisi Aleşka Simkiçtiñ aytuınşa:
“Bwl mälimdeme Qazaqstannıñ strategiyalıq şikizat jönindegi rölin jahandıq deñgeyde naqtılap berdi.”