AQŞ prezidenti Donal'd Tramptıñ aynalasında Ukrainadağı soğısqa qatıstı qayşılıq tuındap otır. Onıñ eki birdey keñesşisi bir-birine qarama-qayşı mälimdeme jasadı: biri Reseyge tört oblıstı berudi wsınsa, ekinşisi mwnday qadamğa üzildi-kesildi qarsı, dep habarlaydı Shalqar.kz.

Bwrınğı prezidenttiñ serigi Stiven Uitkoff Reseyge barıp, Vladimir Putinmen kezdesip, Ukrainadağı Herson, Zaporoj'e, Lugansk jäne Doneck oblıstarın Reseyge berudi resmi moyındau arqılı soğıstı toqtatuğa boladı degen wsınıs aytqan. Bwl qadam soğıstı qısqa merzimde ayaqtaudıñ jalğız jolı dep eseptegen.

Alayda Tramptıñ tağı bir keñesşisi, general Kit Kellog bwl wsınıstı joqqa şığardı. Onıñ aytuınşa, Ukraina Reseyge birde-bir oblısın beruge dayın emes äri mwnday kelisim halıqaralıq zañdardı bwzu bolıp sanaladı.

“Ukraina eşqaşan tize bükpeydi. Kelissözge dayın, biraq öz jerinen bas tartu — söz bolmauı kerek”, – dedi Kellog.

Kellog Tramptıñ resmi ökili bolmasa da, oğan Ukraina mäselesi boyınşa keñes berip otırğanı belgili. Al Tramptıñ bwl eki türli wstanımğa qatıstı naqtı pikir bildirmeui aldağı saylau qarsañında onıñ sırtqı sayasattağı bağıtına qatıstı kümändi küşeytip otır.