Қазақстандық гимнаст Нариман Құрбанов Хорватияның Осиек қаласында өтіп жатқан спорттық гимнастикадан Әлем кубогының кезеңінде ел намысын абыроймен қорғап, қола медаль жеңіп алды,деп хабарлайды Shalqar.kz.

Құрбанов ат снарядындағы жаттығудың финалында жоғары нәтиже көрсетіп, 14.233 ұпаймен үздік үштікке енді. Бұл оның халықаралық аренадағы тағы бір сәтті қадамы болды. Айта кетейік, осы бағдарламада тағы бір отандасымыз Зейнолла Ыдырысов финалға дейін жетіп, сегізінші орынға ие болды.

Алтын медаль армениялық Гамлет Манукянға бұйырды (14.633 ұпай), күміс жүлдені қытайлық Тянлун Гао (14.400) еншіледі.

Айта кетсек, бұл – Қазақстан құрамасы үшін осы жарыстағы алғашқы табыс емес. Бұған дейін Милад Карими еркін жаттығу бағдарламасында қола медаль иеленіп, енді 13 сәуірде кермедегі финалда өнер көрсетеді деп күтілуде.