استاناداعى التى ۇلى وتان سوعىسى ارداگەرىنە جەڭىستىڭ 80 جىلدىعىنا وراي 5 ميلليون تەڭگەدەن بىر رەتتىك الەۋمەتتىك تولەم بەرىلدى, دەپ حابارلايدى Shalqar.kz سايتى ەلوردا اكىمدىگىنە سىلتەمە جاساپ.

ميلليونداپ بولىنگەن بۇل كومەك تەك سوعىس ارداگەرلەرىمەن شەكتەلمەيدى. جەڭىلدىكتەر بويىنشا ۇوس ارداگەرلەرىنە تەڭەستىرىلگەن بىرقاتار ساناتتاعى ازاماتتارعا دا 45 ايلىق ەسەپتىك كورسەتكىش (176 940 تەڭگە) كولەمىندە تولەم قاراستىرىلعان. اتاپ ايتقاندا:
 • ۇوس كەزەڭىندە اسكەري قىزمەت وتكەرگەندەر
 • فاشيستىك گەرمانيياعا قارسى كۇرەسكەندەر
 • لەنينگراد قورشاۋىندا ەڭبەك ەتكەن ازاماتتار
 • كونتسلاگەرьلەردىڭ كامەلەتكە تولماعان تۇتقىندارى
 • سوعىس سالدارىنان جارالانىپ, مۇگەدەكتىك العاندار
 • يادرولىق سىناقتار مەن رادياتسييالىق اپاتتاردىڭ كەسىرىنەن مۇگەدەكتىككە شالدىققاندار
 • رادياتسييالىق ساۋلەلەنۋدىڭ سالدارى اتا-اناسىنان بەرىلگەن جاندار

سونداي-اق, باسقا مەملەكەتتەر اۋماعىنداعى اسكەري قيمىلدارعا قاتىسقان ارداگەرلەرگە دە دال وسىنداي كولەمدە (45 اەك) تولەم بەرىلەدى. بۇل تىزىمگە:
 • تاجىك-اۋعان شەكاراسىندا بولعان اسكەري قىزمەتكەرلەر
 • يراكتاعى بىتىمگەرشىلىك وپەراتسييالارىنا قاتىسقاندار
 • تاۋلى قاراباقتاعى ۇلتارالىق قاقتىعىستى رەتتەۋگە اتسالىسقاندار كىرەدى.