قازاقستاندىق گيمناست ناريمان قۇربانوۆ حورۆاتييانىڭ وسيەك قالاسىندا وتىپ جاتقان سپورتتىق گيمناستيكادان الەم كۋبوگىنىڭ كەزەڭىندە ەل نامىسىن ابىرويمەن قورعاپ, قولا مەدالь جەڭىپ الدى,دەپ حابارلايدى Shalqar.kz.

قۇربانوۆ ات سناريادىنداعى جاتتىعۋدىڭ فينالىندا جوعارى ناتيجە كورسەتىپ, 14.233 ۇپايمەن ۇزدىك ۇشتىككە ەندى. بۇل ونىڭ حالىقارالىق ارەناداعى تاعى بىر ساتتى قادامى بولدى. ايتا كەتەيىك, وسى باعدارلامادا تاعى بىر وتانداسىمىز زەينوللا ىدىرىسوۆ فينالعا دەيىن جەتىپ, سەگىزىنشى ورىنعا يە بولدى.

التىن مەدالь ارمەنييالىق گاملەت مانۋكيانعا بۇيىردى (14.633 ۇپاي), كۇمىس جۇلدەنى قىتايلىق تيانلۋن گاو (14.400) ەنشىلەدى.

ايتا كەتسەك, بۇل – قازاقستان قۇراماسى ۇشىن وسى جارىستاعى العاشقى تابىس ەمەس. بۇعان دەيىن ميلاد كاريمي ەركىن جاتتىعۋ باعدارلاماسىندا قولا مەدالь يەلەنىپ, ەندى 13 ساۋىردە كەرمەدەگى فينالدا ونەر كورسەتەدى دەپ كۇتىلۋدە.