Qazaqstandıq gimnast Nariman Qwrbanov Horvatiyanıñ Osiek qalasında ötip jatqan sporttıq gimnastikadan Älem kubogınıñ kezeñinde el namısın abıroymen qorğap, qola medal' jeñip aldı,dep habarlaydı Shalqar.kz.

Qwrbanov at snaryadındağı jattığudıñ finalında joğarı nätije körsetip, 14.233 wpaymen üzdik üştikke endi. Bwl onıñ halıqaralıq arenadağı tağı bir sätti qadamı boldı. Ayta keteyik, osı bağdarlamada tağı bir otandasımız Zeynolla Idırısov finalğa deyin jetip, segizinşi orınğa ie boldı.

Altın medal' armeniyalıq Gamlet Manukyanğa bwyırdı (14.633 wpay), kümis jüldeni qıtaylıq Tyanlun Gao (14.400) enşiledi.

Ayta ketsek, bwl – Qazaqstan qwraması üşin osı jarıstağı alğaşqı tabıs emes. Bwğan deyin Milad Karimi erkin jattığu bağdarlamasında qola medal' ielenip, endi 13 säuirde kermedegi finalda öner körsetedi dep kütilude.