Жапонияның Фудзи қаласында өткен пара жүзуден халықаралық жарыста қазақстандық спортшылар ел қоржынына үш бірдей қола медаль салды, деп хабарлайды Shalqar.kz.

Жүлдегерлер:
 • Нұрдәулет Жұмағали – 100 метр брасс
 • Ержан Сәлімгереев – 50 метр баттерфляй
 • Зульфия Ғабидуллина – 150 метр кешенді жүзу

Жарысқа 24 елден 250-ге жуық спортшы қатысқан. Бұл – әлемдік серия аясында өткен рейтингтік дода. Ұлттық құраманың бас бапкері Айдар Картпаевтың айтуынша, жарыс жас спортшыларға үлкен тәжірибе болды.

– Үш спортшымыз жүлде алды. Тағы бірнеше жас қатысушы өз нәтижесін жақсартты. Бұл – болашақ халықаралық жарыстарда табысқа жетуге берік негіз, – деді бапкер.

Айта кетейік, турнир 7–12 сәуір аралығында өткен.