قازاقستاندا العاش رەت جاساندى ينتەللەكت (جي) تەحنولوگيياسى ارقىلى قازاق تىلىندە انيماتسييالىق فيلьم جاسالدى. «تۇركىستان ساقشىلارى» دەپ اتالاتىن بۇل ەرەكشە جوبا — تۇركىستان قالاسىنىڭ تۇرعىنى عاسىر قۇرالبايۇلىنىڭ اۆتورلىق جۇمىسى, دەپ حابارلايدى Shalqar.kz.

عاسىر — «Turkistan» تەلەارناسىنىڭ قىزمەتكەرى ارى جاساندى ينتەللەكتپەن جۇمىس ىستەۋدى مەڭگەرگەن مامان. ول مۋلьتفيلьمنىڭ العاشقى بولىمىن بار بولعانى 7 كۇن ىشىندە ازىرلەپ شىققان. تاعى بىر تاڭعالارلىق جايت — بىر سەرييانى جاساۋعا نەبارى 70 مىڭ تەڭگە كەتكەن.

— جي باعدارلاماسىنىڭ اقىلى نۇسقاسىنا جازىلۋ ۇشىن 100 اقش دوللارى جۇمسادىم, ال ساۋندترەك جازدىرۋعا 20 مىڭ تەڭگە كەتتى, — دەيدى اۆتور.

مۋلьتفيلьم تۇركىستاندى تۇرلى قاۋىپتەن قورعايتىن ميفولوگييالىق كەيىپكەرلەردىڭ ەرلىك وقيعالارىن باياندايدى. تۋىندىنىڭ ماقساتى — بالالاردى ادامگەرشىلىككە, پاتريوتتىققا, مادەني قۇندىلىقتارعا باۋلۋ. پەرسوناج اتتارى دا ناعىز ۇلتتىق بولمىسقا ساي:
اقپانتەر — باتىل دا جىلدام بارىس,
التىنقانات — قىراعى بۇركىت,
تاسباتىر اتا — عاسىر جاساعان دانا تاسباقا.

قازىر عاسىر قۇرالبايۇلى كەلەسى بولىمدەردى دايىنداپ جاتىر. الداعى ۋاقىتتا تولىقمەتراجدى, كينوتەاترلارعا ارنالعان كوممەرتسييالىق مۋلьتفيلьم تۇسىرۋدى دە جوسپارلاپ وتىر.