14 сәуір күні АҚШ-тың Техас штатынан Blue Origin компаниясының New Shepard зымыраны суборбитальды кеңістікке ұшты. Бұл сапар – тек әйелдерден құралған тарихи экипажбен ерекшеленіп отыр, деп хабарлайды Shalqar.kz.

Компанияның негізін қалаушы Джефф Безостың серіктесі Лорен Санчес бастаған алты әйел ғарышқа аттанды. Экипаж құрамында CBS тележүргізушісі Гейл Кинг, NASA-ның бұрынғы инженері Аиша Боу, құқық қорғаушы Аманда Нгуен, кинопродюсер Керриан Флинн және әнші Кэти Перри болды.

Бұл миссия — Валентина Терешкованың ғарышқа ұшқанынан кейінгі алғашқы әйелдер тобының сапары ретінде тарихта қалды.

Зымыран таңғы сағат 8:30-да көкке көтеріліп, сапар сәтті аяқталып, ғарышкерлер Жерге аман-есен оралды.