ۇلىبريتانييالىق عالىمدار مەديتسينا مەن ستوماتولوگييا سالاسىنا ۇلكەن سەرپىلىس اكەلەتىن جاڭالىق اشتى. لوندونداعى كورولьدىك كوللەدجدىڭ زەرتتەۋشىلەرى پاتسيەنتتىڭ وز جاسۋشاسىنان تابيعي تىس وسىرۋگە مۇمكىندىك بەرەتىن تەحنولوگييانى ساتتى سىناقتان وتكىزدى, دەپ حابارلايدى Shalqar.kz.

بۇعان دەيىن تىس وسىرۋ بويىنشا جاپونييا مەن اقش عالىمدارى تۇرلى ادىستەردى سىناپ كورگەن ەدى. الايدا بريتان زەرتتەۋشىلەرى العاش رەت ادامنىڭ وز اعزاسىنا 100% ۇيلەسەتىن, جاساندى ماتەريالدار مەن مەتالل يمپلانتتاردى قاجەت ەتپەيتىن تىس وسىرۋ ورتاسىن جاساپ شىقتى.

جاڭا تاسىلدىڭ نەگىزى – ارنايى گيدروگەلь. بۇل ورتادا جاسۋشالار بىر-بىرىمەن «قارىم-قاتىناس» جاساپ, ۇرىق سەكىلدى دامي وتىرىپ, تىس قۇرىلىمىن قالىپتاستىرادى. قالىپتاسقان كىشكەنتاي تىس ۇرىعى ادامنىڭ اۋىز قۋىسىنا سالىنىپ, تابيعي تۇردە ارى قاراي وسەدى. نەمەسە تىس زەرتحانادا تولىقتاي وسىرىلىپ, كەيىن جاق سۇيەككە ورنالاستىرىلادى.

بۇل ادىس قازىرگى قولدانىستاعى پلومبالار مەن توزاتىن يمپلانتتاردىڭ ورنىن باسۋى مۇمكىن. سەبەبى ادامنىڭ وزىنەن الىنعان جاسۋشادان وسىرىلگەن تىس ۇزاققا شىدايدى, ىڭعايلى ارى بيولوگييالىق تۇرعىدا قاۋىپسىز.

عالىمدار بۇل تەحنولوگييانى الداعى جىلدارى كلينيكالىق تاجىريبەگە ەنگىزۋدى جوسپارلاپ وتىر. بولاشاقتا ستوماتولوگييادا تىس جۇلۋ ەمەس, تىس وسىرۋ قالىپتى پروتسەدۋراعا اينالۋى ابدەن مۇمكىن.