2025 jıldıñ soñına deyin elimizdegi 125 temirjol vokzalı jañartılıp, zamanaui talaptarğa say qayta jabdıqtaladı. Köptegen vokzaldar ötken ğasırda salınğan, endi olar jolauşılarğa ıñğaylı bolu üşin kürdeli jöndeuden ötpek, dep habarlaydı Shalqar.kz.

Jañğırtılatın nısandardıñ qatarında – elordalıq “Astana-1” vokzalı bar. Bıltır bwl vokzal 2 millionnan astam jolauşını qabıldağan. Alayda ğimarattıñ keybir bölikteri tozıp, jañartudı qajet etedi. Jobada ğimarattıñ sırtı qalanıñ säulettik kelbetine say özgertilip, işki injenerlik jüyeler men kütu zaldarı jañartıladı. Wi-Fi internet, ört qauipsizdigi men lañkestikke qarsı jüyeler ornatıladı.

Sonımen qatar, Şığıs Qazaqstan men Abay oblıstarındağı 15 vokzalda da qwrılıs jwmıstarı jürgiziledi. Mısalı, 87 jıldıq tarihı bar “Öskemen-1” vokzalı tolıqtay jöndeuden ötedi. Mwnda qosımşa perronğa aparatın jabıq ötkel salınıp, jaña saqtau kameraları, demalıs orındarı men zamanaui qoğamdıq tamaqtanu aymaqtarı aşıladı.

Mümkindigi şekteuli jandarğa arnalğan infraqwrılım jetildirilip, ana men bala bölmelerimen jabdıqtau josparlanğan. “Qazaqstan Temir Jolı” kompaniyası bwl jwmıstardı 2025 jıldıñ soñına deyin tolıq ayaqtaudı közdep otır.