كليماتتىق وزگەرىستەر ەۋروپادا بۇرىن-سوڭدى بولماعان قارقىنمەن جۇرىپ جاتىر. Copernicus قىزمەتىنىڭ 100 عالىمى دايىنداعان سوڭعى باياندامادا 2024 جىلى ەۋروپانىڭ بارلىق ايماعىندا اۋا تەمپەراتۋراسى شەكتى دەڭگەيدەن جوعارى بولعانى انىقتالعان. تەك يسلاندييا عانا سالقىندىعىن ساقتاپ قالىپتى, دەپ حابارلايدى Shalqar.kz.


عالىمدار سوڭعى 40 جىلدا ەۋروپاداعى اۋا رايى عالامدىق ورتاشا كورسەتكىشتەن ەكى ەسە جىلدام جىلىنعانىن ايتادى. ونەركاسىپ داۋىرى باستالعالى بەرى جەر شارى ورتا ەسەپپەن 1,3 گرادۋسقا ىسىسا, ەۋروپادا بۇل كورسەتكىش — 2,4 گرادۋسقا جەتكەن.

2023 جىلى كليماتتىق اپاتتاردىڭ سالدارى اۋىر بولدى: داۋىل مەن سۋ تاسقىنى 413 مىڭ ادامنىڭ ومىرىنە اسەر ەتىپ, 335 تۇرعىن كوز جۇمدى. قىستا دا قۇرعاقشىلىق جايلاعان ەۋروپا, اسىرەسە وڭتۇستىكتە, سۋ تاپشىلىعى ماسەلەسىمەن بەتپە-بەت كەلىپ وتىر.

دەگەنمەن, ەۋروپا ەكولوگييالىق ارەكەتتەردەن دە شەت قالعان جوق. 2024 جىلى بۇل وڭىردە ەنەرگييانىڭ 45 پايىزى — كۇن, جەل جانە بيوماسسا سيياقتى جاسىل كوزدەردەن وندىرىلگەن.