Астаналықтардың көптен күткен LRT жүйесі қыркүйек айында тест режимінде жұмысын бастайды. Бұл туралы елорда әкімі тұрғындармен кездесу барысында мәлімдеді, деп хабарлайды Shalqar.kz.

Жаңа көлік желісі іске қосылғанымен, нақты жолақы әзірге бекітілмеген. Алайда әкімнің айтуынша, жобалық мөлшер 100-200 теңге аралығында болуы мүмкін.

“LRT бойынша жобалық жолақы 100-200 теңге аралығында белгіленген. Әзірге осы шекте қала береміз. Нақты баға әлі бекітілген жоқ,” – деді қала басшысы.

Айта кетейік, бұған дейін City Transportation Systems компаниясы құрылыс жұмыстары 2025 жылдың соңына дейін аяқталатынын хабарлаған болатын. Бірақ әкімдіктің соңғы мәліметіне сәйкес, алғашқы сынақ кезеңі биылғы қыркүйек айына жоспарланған.