استانالىقتاردىڭ كوپتەن كۇتكەن LRT جۇيەسى قىركۇيەك ايىندا تەست رەجيمىندە جۇمىسىن باستايدى. بۇل تۋرالى ەلوردا اكىمى تۇرعىندارمەن كەزدەسۋ بارىسىندا مالىمدەدى, دەپ حابارلايدى Shalqar.kz.

جاڭا كولىك جەلىسى ىسكە قوسىلعانىمەن, ناقتى جولاقى ازىرگە بەكىتىلمەگەن. الايدا اكىمنىڭ ايتۋىنشا, جوبالىق مولشەر 100-200 تەڭگە ارالىعىندا بولۋى مۇمكىن.

“LRT بويىنشا جوبالىق جولاقى 100-200 تەڭگە ارالىعىندا بەلگىلەنگەن. ازىرگە وسى شەكتە قالا بەرەمىز. ناقتى باعا الى بەكىتىلگەن جوق,” – دەدى قالا باسشىسى.

ايتا كەتەيىك, بۇعان دەيىن City Transportation Systems كومپانيياسى قۇرىلىس جۇمىستارى 2025 جىلدىڭ سوڭىنا دەيىن اياقتالاتىنىن حابارلاعان بولاتىن. بىراق اكىمدىكتىڭ سوڭعى مالىمەتىنە سايكەس, العاشقى سىناق كەزەڭى بيىلعى قىركۇيەك ايىنا جوسپارلانعان.