2025 جىلدىڭ ناۋرىزى قازاقستاندا سوڭعى ونجىلدىقتاعى ەڭ جىلى ايلاردىڭ بىرى بولدى. «قازگيدرومەت» مالىمەتىنشە, ەل بويىنشا ورتاشا تەمپەراتۋرا كليماتتىق نورمادان 1–5 گرادۋسقا جوعارى بولعان, دەپ حابارلايدى Shalqar.kz.

16–22 ناۋرىز ارالىعىندا بىرقاتار وڭىردە سوڭعى جىلداردا تىركەلگەن رەكوردتىق كورسەتكىشتەر جاڭارتىلدى. مىسالى, پەتروپاۆلدا +12,6°C, قوستانايدا +14°C, پاۆلوداردا +14,4°C, استانادا +9,1°C تەمپەراتۋرا تىركەلىپ, بۇرىنعى ماكسيمۋمداردان اسىپ تۇستى.

الماتىدا دا كۇن ەرەكشە جىلى بولدى: 21 ناۋرىزدا تەرمومەتر +24,8°C كورسەتىپ, 2018 جىلعى رەكوردتى جاڭارتتى. سەمەيدە 1944 جىلدان بەرى العاش رەت اۋا تەمپەراتۋراسى +14,6°C-قا جەتىپ, 81 جىل بۇرىنعى تاريحي رەكورد بۇزىلدى.

بۇعان قوسا, ناۋرىزدا اۋا رايىنىڭ كۇرت قۇبىلۋى بايقالدى – تۇمان, بوران مەن داۋىل سەكىلدى ەكسترەمال جاعدايلار جيىلەگەن.