قازاقستان مەن ەۋروپا اراسىنداعى ۆيزالىق قاتىناس جاڭا دەڭگەيگە كوتەرىلۋى مۇمكىن. فرانتسييا بيلىگى بىزدىڭ ازاماتتار ۇشىن ۆيزا راسىمدەرىن جەڭىلدەتۋگە قولداۋ بىلدىردى. بۇل جاعىمدى جاڭالىقتى ىشكى ىستەر مينيسترى ەرجان سادەنوۆتىڭ پاريجگە جاساعان جۇمىس ساپارى بارىسىندا بەلگىلى بولدى, دەپ حابارلايدى Shalqar.kz.

فرانتسييانىڭ ىشكى ىستەر مينيسترى بريۋنو رەتايومەن كەزدەسۋدە ەكى ەل اراسىنداعى قىلمىسپەن كۇرەس, كوشى-قون جانە قاۋىپسىزدىك ماسەلەلەرى كەڭىنەن تالقىلاندى. اسىرەسە, رەادميسسييا جانە كوشى-قون سالالارىنداعى اقپارات الماسۋ ماسەلەسىنە ەرەكشە كوڭىل بولىنگەن.

ەڭ باستىسى – فرانتسۋز تاراپى ەۋرووداق ەلدەرى ۇشىن قازاقستاندىقتارعا ۆيزا بەرۋ تارتىبىن جەڭىلدەتۋگە مۇددەلى ەكەنىن ناقتى بىلدىردى. بۇل قادام ەكى ەل اراسىنداعى سەرىكتەستىكتى نىعايتىپ قانا قويماي, قازاقستاندىقتاردىڭ ەۋروپاعا ساپارىن جەڭىلدەتۋى مۇمكىن.

ايتا كەتەيىك, بۇعان دەيىن ەۋروپالىق وداق تاراپىنان قازاقستاندىقتارعا ۆيزا جەڭىلدىكتەرى ۇسىنىلۋى مۇمكىن دەگەن اقپارات تاراعان بولاتىن.