م.قوزىباەۆ اتىنداعى سولتۇستىك قازاقستان ۋنيۆەرسيتەتىنىڭ باستاماسىمەن ۇيىمداستىرىلعان “Serpin Way” كاسىپتىك باعدار بەرۋ تۋرى اياقتالدى. ۋنيۆەرسيتەتتەن شىققان توپ 17 كۇن بويى وڭتۇستىك وڭىرلەردى ارالاپ, 6500 شاقىرىمنان استام جول جۇرىپ, پەتروپاۆلعا ورالدى, دەپ حابارلايدى Shalqar.kz تىلشىسى سىرتقى ىستەر مينيسترلىگىنە سىلتەمە جاساپ.

قىزىلوردا, جامبىل جانە تۇركىستان وبلىستارىنداعى 20-دان استام ەلدى مەكەندە 40-تان اسا كەزدەسۋ وتتى. كەرۋەن مۇشەلەرى – ستۋدەنتتەر, وقىتۋشىلار جانە قىزمەتكەرلەر – مەكتەپ وقۋشىلارىمەن, اتا-انالارمەن جانە جەرگىلىكتى اكىمدىك وكىلدەرىمەن جۇزدەستى.

ساپار بارىسىندا 12 مىڭنان استام مەكتەپ وقۋشىسى قامتىلىپ, قوزىباەۆ ۋنيۆەرسيتەتىندە وقۋعا تۇسۋ جولدارى, بىلىم بەرۋ باعدارلامالارى مەن گرانتتار جايلى كەڭ اقپارات بەرىلدى. اسىرەسە شالعاي اۋىلداردا كەرۋەندى جىلى قارسى العان جۇرتشىلىقتىڭ ىقىلاسى ەرەكشە بولدى.

ايتا كەتەيىك, “سەرپىن” باعدارلاماسى سوڭعى ون جىلدا مىڭداعان جاستىڭ بولاشاعىنا جول اشىپ, ەلىمىزدىڭ تۇرلى وڭىرىندەگى مامان تاپشىلىعىن ازايتۋعا ۇلەس قوسىپ كەلەدى.