M.Qozıbaev atındağı Soltüstik Qazaqstan universitetiniñ bastamasımen wyımdastırılğan “Serpin Way” käsiptik bağdar beru turı ayaqtaldı. Universitetten şıqqan top 17 kün boyı oñtüstik öñirlerdi aralap, 6500 şaqırımnan astam jol jürip, Petropavlğa oraldı, dep habarlaydı Shalqar.kz tilşisi Sırtqı İster ministrligine silteme jasap.

Qızılorda, Jambıl jäne Türkistan oblıstarındağı 20-dan astam eldi mekende 40-tan asa kezdesu ötti. Keruen müşeleri – studentter, oqıtuşılar jäne qızmetkerler – mektep oquşılarımen, ata-analarmen jäne jergilikti äkimdik ökilderimen jüzdesti.

Sapar barısında 12 mıñnan astam mektep oquşısı qamtılıp, Qozıbaev universitetinde oquğa tüsu joldarı, bilim beru bağdarlamaları men granttar jaylı keñ aqparat berildi. Äsirese şalğay auıldarda keruendi jılı qarsı alğan jwrtşılıqtıñ ıqılası erekşe boldı.

Ayta keteyik, “Serpin” bağdarlaması soñğı on jılda mıñdağan jastıñ bolaşağına jol aşıp, elimizdiñ türli öñirindegi maman tapşılığın azaytuğa üles qosıp keledi.