Қытайдың Гуйчжоу қаласында өтіп жатқан Азия чемпионатында Қазақстан маутинбайк құрамасы жарыстың алғашқы күнінде-ақ жүлдегер атанды. Олимпиадалық емес бағдарлама бойынша өткен эстафетада ұлттық құрама күміс жүлде иеленді, деп хабарлайды Shalqar.kz.

Командалық есепте ел намысын Богдан Лұқманов, Виолетта Казакова, Алексей Фефелов, Юля Ли, Алина Карасёва және Денис Сергиенко қорғады. Бұл – маутинбайк бойынша ұлттық құраманың үлкен додадағы алғашқы табысты қадамы.

Чемпионат 23-27 сәуір аралығында өтеді және алдағы күндері отандастарымыз кросс-кантри тәрізді олимпиадалық сайыстарда да бақ сынайды.

Қазақстан құрамасының кеңейтілген тізіміне сондай-ақ Егор Карасёв, Ілияс Рахимов, Никита Галкин, Алдер Ергешов, Татьяна Генелева, София Мамева, Татьяна Чакилёва және Константин Казаков енгізілген.

Айта кетейік, бұған дейін велотректен Қазақстан атынан сынға түскен Кирилл Курдиди Малайзиядағы Азия чемпионатында қола жүлде жеңіп алған болатын.