قىتايدىڭ گۋيچجوۋ قالاسىندا وتىپ جاتقان ازييا چەمپيوناتىندا قازاقستان ماۋتينبايك قۇراماسى جارىستىڭ العاشقى كۇنىندە-اق جۇلدەگەر اتاندى. وليمپيادالىق ەمەس باعدارلاما بويىنشا وتكەن ەستافەتادا ۇلتتىق قۇراما كۇمىس جۇلدە يەلەندى, دەپ حابارلايدى Shalqar.kz.

كوماندالىق ەسەپتە ەل نامىسىن بوگدان لۇقمانوۆ, ۆيولەتتا كازاكوۆا, الەكسەي فەفەلوۆ, يۋليا لي, الينا كاراسيوۆا جانە دەنيس سەرگيەنكو قورعادى. بۇل – ماۋتينبايك بويىنشا ۇلتتىق قۇرامانىڭ ۇلكەن دوداداعى العاشقى تابىستى قادامى.

چەمپيونات 23-27 ساۋىر ارالىعىندا وتەدى جانە الداعى كۇندەرى وتانداستارىمىز كروسس-كانتري تارىزدى وليمپيادالىق سايىستاردا دا باق سىنايدى.

قازاقستان قۇراماسىنىڭ كەڭەيتىلگەن تىزىمىنە سونداي-اق ەگور كاراسيوۆ, ىليياس راحيموۆ, نيكيتا گالكين, الدەر ەرگەشوۆ, تاتьيانا گەنەلەۆا, سوفييا مامەۆا, تاتьيانا چاكيليوۆا جانە كونستانتين كازاكوۆ ەنگىزىلگەن.

ايتا كەتەيىك, بۇعان دەيىن ۆەلوترەكتەن قازاقستان اتىنان سىنعا تۇسكەن كيريلل كۋرديدي مالايزيياداعى ازييا چەمپيوناتىندا قولا جۇلدە جەڭىپ العان بولاتىن.