Qıtaydıñ Guyçjou qalasında ötip jatqan Aziya çempionatında Qazaqstan mautinbayk qwraması jarıstıñ alğaşqı küninde-aq jüldeger atandı. Olimpiadalıq emes bağdarlama boyınşa ötken estafetada wlttıq qwrama kümis jülde ielendi, dep habarlaydı Shalqar.kz.

Komandalıq esepte el namısın Bogdan Lwqmanov, Violetta Kazakova, Aleksey Fefelov, YUlya Li, Alina Karaseva jäne Denis Sergienko qorğadı. Bwl – mautinbayk boyınşa wlttıq qwramanıñ ülken dodadağı alğaşqı tabıstı qadamı.

Çempionat 23-27 säuir aralığında ötedi jäne aldağı künderi otandastarımız kross-kantri tärizdi olimpiadalıq sayıstarda da baq sınaydı.

Qazaqstan qwramasınıñ keñeytilgen tizimine sonday-aq Egor Karasev, İliyas Rahimov, Nikita Galkin, Alder Ergeşov, Tat'yana Geneleva, Sofiya Mameva, Tat'yana Çakileva jäne Konstantin Kazakov engizilgen.

Ayta keteyik, bwğan deyin velotrekten Qazaqstan atınan sınğa tüsken Kirill Kurdidi Malayziyadağı Aziya çempionatında qola jülde jeñip alğan bolatın.