Париж төрінде Қазақстанның көк байрағын желбіреткен спорт саңлақтарына Үкіметтен сүйінші жаңалық! 2024 жылғы Олимпиада және Паралимпиада ойындарында ел намысын қорғап, жүлде еншілеген чемпиондар мен олардың бапкерлері мемлекеттік сыйақыға ие болады, деп хабарлайды Shalqar.kz.

Бұл шешім Мемлекет басшысының тапсырмасымен жүзеге асып отыр. Туризм және спорт министрлігінің мәлімдеуінше, Үкіметтің арнайы қаулысы заңнамаға сәйкес дайындалып, барлық тиісті органдармен келісілген.

Сыйақы мөлшері мен оны беру тәртібі бұрын бекітілген нормаларға сәйкес жүргізіледі. Яғни, әлемдік аренада топ жарған спортшыларымыз еңбегінің лайықты өтемін алмақ.