پاريج تورىندە قازاقستاننىڭ كوك بايراعىن جەلبىرەتكەن سپورت ساڭلاقتارىنا ۇكىمەتتەن سۇيىنشى جاڭالىق! 2024 جىلعى وليمپيادا جانە پاراليمپيادا ويىندارىندا ەل نامىسىن قورعاپ, جۇلدە ەنشىلەگەن چەمپيوندار مەن ولاردىڭ باپكەرلەرى مەملەكەتتىك سىياقىعا يە بولادى, دەپ حابارلايدى Shalqar.kz.

بۇل شەشىم مەملەكەت باسشىسىنىڭ تاپسىرماسىمەن جۇزەگە اسىپ وتىر. تۋريزم جانە سپورت مينيسترلىگىنىڭ مالىمدەۋىنشە, ۇكىمەتتىڭ ارنايى قاۋلىسى زاڭناماعا سايكەس دايىندالىپ, بارلىق تيىستى ورگاندارمەن كەلىسىلگەن.

سىياقى مولشەرى مەن ونى بەرۋ تارتىبى بۇرىن بەكىتىلگەن نورمالارعا سايكەس جۇرگىزىلەدى. ياعني, الەمدىك ارەنادا توپ جارعان سپورتشىلارىمىز ەڭبەگىنىڭ لايىقتى وتەمىن الماق.