Бүгін Астанада Қазақстан халқы Ассамблеясының XXXIV сессиясы өз жұмысын бастайды. Биылғы жиын “Бірлік пен келісім жолындағы 30 жыл” тақырыбымен өтеді, деп хабарлайды Shalqar.kz.

Сессияға 1600-ден астам делегат қатысады деп жоспарланған. Олардың қатарында Парламент депутаттары, этномәдени бірлестік жетекшілері, өңірлік Ассамблея мүшелері, министрліктер мен әкімдіктер өкілдері, дін, саясат, ғылым мен мәдениет саласының белді тұлғалары, сондай-ақ отандық және шетелдік БАҚ өкілдері бар.

Бұл жиын – тек есеп беру емес, ел ішіндегі татулықты сақтау мен нығайту жолындағы нақты қадамдарды айқындайтын маңызды алаң болмақ.