Түркияның Стамбұл провинциясында 6,2 балдық қуатты жер сілкінісі тіркелді. Табиғат апатының эпицентрі Силиври ауданында орналасқан. Жерасты дүмпуі көрші аймақтарда да қатты сезілген, деп хабарлайды Shalqar.kz.

Елдің ішкі істер министрі Али Ерликаяның айтуынша, жауапты мекемелер апаттың салдарын анықтауға кірісіп кеткен. AFAD (Төтенше жағдайлардың алдын алу және салдарын жою басқармасы) жағдайды бақылауда ұстап отыр.

Жергілікті БАҚ мәліметінше, Стамбұлда дүмпулер бірнеше рет қайталанып, тұрғындар дүрлігуде. Электр жарығы өшіп, кей аудандарда техникалық ақаулар тіркелген. Куәгерлердің айтуынша, люстралар тербеліп, жиһаздар сықырлаған.

Бююкчекмедже ауданында қосымша екі жер сілкінісі болған: сағат 12:51-де – 4,4 балл, ал 13:02-де – 4,9 балл. Қазірге дейін зардап шеккендер жайлы ресми ақпарат жоқ.