تۇركييانىڭ ستامبۇل پروۆينتسيياسىندا 6,2 بالدىق قۋاتتى جەر سىلكىنىسى تىركەلدى. تابيعات اپاتىنىڭ ەپيتسەنترى سيليۆري اۋدانىندا ورنالاسقان. جەراستى دۇمپۋى كورشى ايماقتاردا دا قاتتى سەزىلگەن, دەپ حابارلايدى Shalqar.kz.

ەلدىڭ ىشكى ىستەر مينيسترى الي ەرليكايانىڭ ايتۋىنشا, جاۋاپتى مەكەمەلەر اپاتتىڭ سالدارىن انىقتاۋعا كىرىسىپ كەتكەن. AFAD (توتەنشە جاعدايلاردىڭ الدىن الۋ جانە سالدارىن جويۋ باسقارماسى) جاعدايدى باقىلاۋدا ۇستاپ وتىر.

جەرگىلىكتى باق مالىمەتىنشە, ستامبۇلدا دۇمپۋلەر بىرنەشە رەت قايتالانىپ, تۇرعىندار دۇرلىگۋدە. ەلەكتر جارىعى وشىپ, كەي اۋدانداردا تەحنيكالىق اقاۋلار تىركەلگەن. كۋاگەرلەردىڭ ايتۋىنشا, ليۋسترالار تەربەلىپ, جيھازدار سىقىرلاعان.

بيۋيۋكچەكمەدجە اۋدانىندا قوسىمشا ەكى جەر سىلكىنىسى بولعان: ساعات 12:51-دە – 4,4 بالل, ال 13:02-دە – 4,9 بالل. قازىرگە دەيىن زارداپ شەككەندەر جايلى رەسمي اقپارات جوق.