استاناداعى بەيبىتشىلىك جانە كەلىسىم سارايىندا قازاقستان حالقى اسسامبلەياسى كەڭەسىنىڭ كەڭەيتىلگەن وتىرىسى وتتى. جيىن قحا-نىڭ XXXIV سەسسيياسى قارساڭىندا ۇيىمداستىرىلىپ, ەلدەگى ەتنوسارالىق تاتۋلىق پەن قوعامدىق تۇراقتىلىق ماسەلەلەرى كەڭىنەن تالقىلاندى, دەپ حابارلايدى Shalqar.kz تىلشىسى سىرتقى ىستەر مينيسترلىگىنە سىلتەمە جاساپ.

كەڭەيتىلگەن وتىرىسقا پرەزيدەنتتىڭ كومەكشىسى ارمان قىرىقباەۆ, پارلامەنت دەپۋتاتتارى, مادەنيەت جانە اقپارات ۆيتسە-مينيسترى ەۆگەنيي كوچەتوۆ, قحا كەڭەسىنىڭ مۇشەلەرى مەن رەسپۋبليكالىق ەتنومادەني بىرلەستىكتەردىڭ وكىلدەرى قاتىستى.

كەزدەسۋ بارىسىندا اسسامبلەيانىڭ 30 جىلداعى جەتىستىكتەرى سارالانىپ, «ارالۋاندىقتاعى بىرلىك» قاعيداتىنىڭ قوعامداعى ماڭىزى ەرەكشە اتاپ وتىلدى.

كەڭەستە ەتنومادەني بىرلەستىكتەردى دامىتۋ, قحا اقساقالدار مەن انالار كەڭەستەرىنىڭ جۇمىسى, قايىرىمدىلىق, ەتنومەدياتسييا, عىلىمي ساراپتاما جانە جاستارمەن جۇمىس باعىتتارىن جانداندىرۋ ماسەلەلەرى كۇن تارتىبىنە قويىلدى.

جيىن – بىرلىك پەن تۇراقتىلىقتى ساقتاۋ جولىنداعى جاڭا باستامالارعا سەرپىن بەرەتىن ماڭىزدى ديالوگ الاڭىنا اينالدى.