قازاقستان حالقى اسسامبلەياسىنىڭ حححىV سەسسيياسىندا مەملەكەت باسشىسى قاسىم-جومارت توقاەۆ ەلدىڭ بىرلىگى مەن تۇراقتىلىعىنا قاتىستى ماڭىزدى ماسەلەلەردى كوتەرىپ, ناقتى ۇسىنىستار جاسادى. نازارلارىڭىزعا پرەزيدەنت سوزىنە نەگىز بولعان باستى 10 تۇجىرىمدى ۇسىنامىز:

 1. جاڭا دوستىق ۇيلەرى قاجەت. الماتى وبلىسىندا بىر دوستىق ۇيىن اشۋ ۇسىنىلدى. قورداي, ۇيعىر, سايرام, پانفيلوۆ سيياقتى ەتنوس وكىلدەرى تىعىز شوعىرلانعان اۋدانداردا اسسامبلەيا بولىمشەلەرىن قۇرۋ قاجەت.
 2. ەتنوستار تەاتر ونەرىندە دە كورىنىس تابۋى تيىس. قازاقستاندا 9 ورىس تەاترى جانە ۇيعىر, وزبەك, نەمىس, كورەي تەاترلارى بار. ەتنوستىق تەاترلار فەستيۆالىن وتكىزۋ ۇسىنىلدى.
 3. «بىز — ارتۇرلىمىز, بىراق بارىمىز تەڭبىز». پرەزيدەنت بۇل قاعيداتتى قازاقستان قوعامىنىڭ باستى ۇستانىمى رەتىندە اتادى.
 4. پوپۋليزمگە جول جوق. ەل اسىعىس ارى ويلانباعان شەشىمدەردەن اۋلاق بولۋعا تيىس.
 5. قازاق تىلىنىڭ مارتەبەسى وسىپ كەلەدى. تۇلەكتەردىڭ 80 پايىزى ۇبت-نى قازاق تىلىندە تاپسىرادى. ال مەكتەپ جاسىنداعى بالالاردىڭ 70 پايىزى قازاق تىلىندە بىلىم الادى.
 6. كوك پاسپورت — ۇلتتىق بىرەگەيلىك سيمۆولى. بۇل — ەل ازاماتتارىنىڭ ورتاق ماقتانىشى.
 7. قازاقستان — بارشا قازاقتىڭ تاريحي وتانى. ەلگە ورالعان قانداستار — ۇلتتىق قۇرامىمىزدىڭ ماڭىزدى بولىگى.
 8. ۇلتتىق مەرەكەلەر — رۋحاني تىرەك. «ناۋرىز», «ماسلەنيتسا», «سابانتوي» سىندى مەرەكەلەر — ەلدىڭ رۋحى مەن تاريحىن تانىتاتىن ماڭىزدى وقيعالار.
 9. بەيبىتشىلىك پەن كەلىسىم باستى قۇندىلىق. اسسامبلەيا بۇل باعىتتا جۇمىسىن جالعاستىرا بەرەدى.
 10. بىرلىك — ەل بولاشاعىنىڭ ىرگەتاسى. ۇلتارالىق تاتۋلىق — تۇراقتىلىق پەن دامۋ كەپىلى.