15 كۇننەن كەيىن قازاقستاننىڭ كەڭ دالاسىندا ىرى حالىقارالىق وقيعا باستالادى. 10 مامىردا الماتى وبلىسىندا «ۇلى دالا جورىعى» اتتى ەرەكشە مارافون جارىسى باستاۋ الادى, دەپ حابارلايدى Shalqar.kz.

بەس كۇنگە سوزىلاتىن بۇل ەكسترەمالدى سايىس 500 شاقىرىمدى قامتيدى. وعان الەمنىڭ 15-كە جۋىق ەلىنەن سپورتشىلار قاتىسادى دەپ كۇتىلۋدە.

مارافون باعىتى:
 • ستارت: باقاناس كوپىرى (الماتى – وسكەمەن تاس جولى);
 • بالقاش اۋدانى: مييالى, باقباقتى, اقدالا, ۇشجارما, جەلتوراڭعى جانە ت.ب. اۋىلدار;
 • جامبىل اۋدانى: قانشەڭگەل, اщىسۋ, بوزوي;
 • ىلە اۋدانى: اقشي;
 • فينيش: قوناەۆ قالاسى, «قارلىعاش» شاعىناۋدانى.

جابىلۋ سالتاناتى مەن ماراپاتتاۋ راسىمى قوناەۆ قالاسىنىڭ ورتالىق الاڭىندا وتەدى.

– بۇل تەك سپورتتىق دودا ەمەس. بۇل – قازاقستان تابيعاتى مەن مادەنيەتىن الەمگە تانىتاتىن ۇلكەن شارا.
– مارافون ەلدىڭ تۋريزم سالاسىنا تىڭ سەرپىن بەرەدى, ال شەتەلدىك قاتىسۋشىلار ۇشىن – ناعىز ەكسپەديتسييالىق وقيعا.
– ۇلى دالا توسىندەگى بۇل جورىق – رۋح پەن توزىمدىلىك سيمۆولىنا اينالادى.