Қазақ әдебиеті орны толмас қазаға душар болды. Ұлтымыздың ардақты перзенті, көрнекті жазушы, драматург, киносценарист, Қазақстанның Еңбек Ері, Мемлекеттік сыйлықтың иегері Әкім Үртайұлы Тарази мәңгілік сапарға аттанды. Қаралы хабарды Күләш Байсейітова атындағы Қазақ ұлттық өнер университетінің ұжымы растады, деп хабарлайды Shalqar.kz.

«Бүгін қазақ әдебиеті мен өнері ауыр қайғыға ұшырады. Әдебиетіміздің абызы, сөз өнерінің шебері, профессор Әкім Үртайұлы Таразидің өмірден өткенін зор күйзеліспен хабарлаймыз.

Әкім Тарази — қазақ прозасының, драматургиясы мен кинематографиясының кемеңгері. Оның шығармалары ұлттық рух пен терең философиялық толғамның көрінісі ретінде бірнеше буынның жүрегіне жол тапты. Қазақтың рухани қазынасына өлшеусіз үлес қосқан жазушының есімі тарихта мәңгі қалары сөзсіз», – делінген университет ұжымының мәлімдемесінде.