قازاق ادەبيەتى ورنى تولماس قازاعا دۋشار بولدى. ۇلتىمىزدىڭ ارداقتى پەرزەنتى, كورنەكتى جازۋشى, دراماتۋرگ, كينوستسەناريست, قازاقستاننىڭ ەڭبەك ەرى, مەملەكەتتىك سىيلىقتىڭ يەگەرى اكىم ۇرتايۇلى تارازي ماڭگىلىك ساپارعا اتتاندى. قارالى حاباردى كۇلاش بايسەيىتوۆا اتىنداعى قازاق ۇلتتىق ونەر ۋنيۆەرسيتەتىنىڭ ۇجىمى راستادى, دەپ حابارلايدى Shalqar.kz.

«بۇگىن قازاق ادەبيەتى مەن ونەرى اۋىر قايعىعا ۇشىرادى. ادەبيەتىمىزدىڭ ابىزى, سوز ونەرىنىڭ شەبەرى, پروفەسسور اكىم ۇرتايۇلى تارازيدىڭ ومىردەن وتكەنىن زور كۇيزەلىسپەن حابارلايمىز.

اكىم تارازي — قازاق پروزاسىنىڭ, دراماتۋرگيياسى مەن كينەماتوگرافيياسىنىڭ كەمەڭگەرى. ونىڭ شىعارمالارى ۇلتتىق رۋح پەن تەرەڭ فيلوسوفييالىق تولعامنىڭ كورىنىسى رەتىندە بىرنەشە بۋىننىڭ جۇرەگىنە جول تاپتى. قازاقتىڭ رۋحاني قازىناسىنا ولشەۋسىز ۇلەس قوسقان جازۋشىنىڭ ەسىمى تاريحتا ماڭگى قالارى سوزسىز», – دەلىنگەن ۋنيۆەرسيتەت ۇجىمىنىڭ مالىمدەمەسىندە.