Qazaq ädebieti ornı tolmas qazağa duşar boldı. Wltımızdıñ ardaqtı perzenti, körnekti jazuşı, dramaturg, kinoscenarist, Qazaqstannıñ Eñbek Eri, Memlekettik sıylıqtıñ iegeri Äkim Ürtaywlı Tarazi mäñgilik saparğa attandı. Qaralı habardı Küläş Bayseyitova atındağı Qazaq wlttıq öner universitetiniñ wjımı rastadı, dep habarlaydı Shalqar.kz.

«Bügin qazaq ädebieti men öneri auır qayğığa wşıradı. Ädebietimizdiñ abızı, söz öneriniñ şeberi, professor Äkim Ürtaywlı Tarazidiñ ömirden ötkenin zor küyzelispen habarlaymız.

Äkim Tarazi — qazaq prozasınıñ, dramaturgiyası men kinematografiyasınıñ kemeñgeri. Onıñ şığarmaları wlttıq ruh pen tereñ filosofiyalıq tolğamnıñ körinisi retinde birneşe buınnıñ jüregine jol taptı. Qazaqtıñ ruhani qazınasına ölşeusiz üles qosqan jazuşınıñ esimi tarihta mäñgi qaları sözsiz», – delingen universitet wjımınıñ mälimdemesinde.