الەمدىك تەحنولوگييا الىبى Apple وز ستراتەگيياسىن تۇبەگەيلى وزگەرتپەك: كومپانييا الداعى جىلى اقش نارىعىنا ارنالعان iPhone قۇرىلعىلارىن قىتاي ەمەس, ۇندىستاندا قۇراستىرۋدى جوسپارلاپ وتىر, دەپ حابارلايدى Shalqar.kz NDTV باسىلىمىنا سىلتەمە جاساپ.

Apple-دىڭ مۇنداي قادامعا بارۋى بىرنەشە فاكتورعا بايلانىستى. بىرىنشىدەن, اقش پەن قىتاي اراسىنداعى شيەلەنىسكەن ساۋدا قاتىناستارى اسەر ەتسە, ەكىنشىدەن, ۇندىستاننىڭ وندىرىستىك الەۋەتىنىڭ قارقىندى دامۋى شەشۋشى رول اتقارۋدا.

اقش-تىڭ بۇرىنعى پرەزيدەنتى دونالьد ترامپ Apple-گە قىتايدان تاۋەلدىلىكتى ازايتۋ ۇشىن قىسىم جاساعان بولاتىن. تىپتى, قىتايمەن تاريفتىك كەلىسسوزدەردىڭ جالعاسىپ جاتقانىن رەسمي تۇردە مالىمدەگەن ەدى. وسى ۋاقىتتا Apple-دىڭ ۇندى سەرىكتەستەرى وندىرىس كولەمىن ارتتىرۋعا كىرىستى.

جاقىندا كارناتاكا شتاتىنداعى بانگالور قالاسىندا Foxconn كومپانيياسىنىڭ جاڭا زاۋىتى ىسكە قوسىلادى. جاڭا وندىرىس ورنى جىلىنا 20 ميلليونعا دەيىن iPhone شىعارۋعا قاۋقارلى. سونىمەن قاتار, تاميلناد شتاتىنداعى زاۋىت Apple ونىمدەرىنىڭ حالىقارالىق جەتكىزىلىمىنىڭ شامامەن 50%-ىن قامتاماسىز ەتەدى.

سوڭعى بىر جىلدا ۇندىستاندا وندىرىلگەن iPhone قۇرىلعىلارىنىڭ جالپى قۇنى 22 ميلليارد دوللارعا جەتتى. بۇگىندە ۇندىستان Apple-دىڭ جاھاندىق وندىرىسىنىڭ شامامەن 20%-ىن قۇراپ وتىر جانە بۇل كورسەتكىش جىل سايىن وسىپ كەلەدى.

ساراپشىلار بيىل ۇندىستانداعى Apple وندىرىسىنىڭ وسىمى 10–15% دەڭگەيىندە ساقتالادى دەپ بولجايدى.
ايتا كەتەيىك, بۇعان دەيىن ترامپ ەنگىزگەن تاريفتەر سالدارىنان Apple iPhone باعاسىن قىمباتتاتۋى مۇمكىن ەكەنى حابارلانعان.

سونىمەن بىرگە, جاقىندا ەۋرووداق Apple مەن Meta كومپانييالارىنا ايىپپۇل سالعانىن ەسكە سالامىز.