Qazaqstandıq desantşılar Wlı Jeñistiñ 80 jıldığına arnalğan Mäskeudegi 9 mamır paradına qatısu üşin Resey astanasına attandı, dep habarlaydı Shalqar.kz.

Qorğanıs ministrliginiñ mälimetine säykes, elimizdiñ atınan saltanattı şeruge Keñes Odağınıñ Batırı, general-mayor Ivan Panfilovtıñ esimin ielengen 37-desanttıq-şabuıldau brigadasınıñ äskeri qızmetşileri qatısadı.

Çkalovskiy äskeri äuejayında qazaqstandıq jauıngerlerdi Reseydegi Qazaqstan Qorğanıs ministrliginiñ attaşesi, general-leytenant Talğat Qoybaqov qarsı alıp, mañızdı tarihi şarada joğarı deñgeyde öner körsetuge sättilik tiledi.

Paradtıq lektiñ basında ekinşi därejeli “Aybın” ordeniniñ jäne “Jauıngerlik erligi üşin” medaliniñ iegeri, polkovnik Almas Tölegenov jürmek. Jalpı qwramda 80 äskeri qızmetşi bar: olardıñ qatarında 11 oficer, 24 kelisimşart negizindegi sarbaz jäne 45 merzimdi äskeri qızmetşiler bar.

Ministrliktiñ dereginşe, 37-brigada WQŞW-nıñ Jedel den qoyu wjımdıq küşteriniñ qwramında jäne ärdayım joğarı dayındıqta wstaladı. Beybit uaqıtta olar qoğamdıq tärtipti saqtau, memlekettik şekaranı qorğau jäne tötenşe jağdaylar kezinde kömek körsetu siyaqtı mañızdı mindetterdi orındaydı.