يراننىڭ وڭتۇستىگىندەگى شاحيد-رادجاي پورتىندا بولعان جويقىن جارىلىس سالدارىنان 750 ادام جارالانىپ, 8 ادام كوز جۇمدى. قازىر وقيعا ورنىندا قۇتقارۋ جانە ورت سوندىرۋ جۇمىستارى قىزۋ جۇرىپ جاتىر, دەپ حابارلايدى Shalqar.kz.

يران ىشكى ىستەر مينيسترى ەسكاندار مومەني مالىم ەتكەندەي, ەڭ باستى ماقسات – زارداپ شەككەندەردى امان الىپ قالۋ جانە ورتتى تولىقتاي وشىرۋ. بۇل تۋرالى ول IRIB تەلەارناسىنا بەرگەن سۇحباتىندا ايتتى.

“750 ادام تۇرلى دەڭگەيدە جاراقات الدى, 8 ادام وكىنىشكە قاراي قايتىس بولدى. قازىر قۇتقارۋشىلار مەن قۇقىق قورعاۋ ورگاندارى وقيعا ورنىندا جۇمىس ىستەپ جاتىر. الداعى بىرنەشە ساعاتتا جاعدايدى تولىق باقىلاۋعا الامىز دەپ ۇمىتتەنەمىز,” – دەدى مينيستر.

جارىلىس سەنبى كۇنى تاڭەرتەڭ پارسى شىعاناعىنىڭ جاعالاۋىندا, بەندەر-ابباس قالاسى ماڭىندا ورىن العان. جارىلىستىڭ ناقتى سەبەبى ازىرگە بەلگىسىز. وقيعا ورنىنا ىشكى ىستەر مينيسترى ەسكاندار مومەني وزى بارىپ, جاعدايدى جەكە باقىلاۋىنا الدى.

ايتا كەتەيىك, بۇعان دەيىن يران پورتىنداعى جارىلىستان زارداپ شەككەندەر سانى 500-دەن اسقانى حابارلانعان بولاتىن. قازاقستان پرەزيدەنتى قاسىم-جومارت توقاەۆ يران پرەزيدەنتىنە كوڭىل ايتۋ جەدەلحاتىن جولدادى.