Irannıñ oñtüstigindegi Şahid-Radjai portında bolğan joyqın jarılıs saldarınan 750 adam jaralanıp, 8 adam köz jwmdı. Qazir oqiğa ornında qwtqaru jäne ört söndiru jwmıstarı qızu jürip jatır, dep habarlaydı Shalqar.kz.

Iran İşki ister ministri Eskandar Momeni mälim etkendey, eñ bastı maqsat – zardap şekkenderdi aman alıp qalu jäne örtti tolıqtay öşiru. Bwl turalı ol IRIB telearnasına bergen swhbatında ayttı.

“750 adam türli deñgeyde jaraqat aldı, 8 adam ökinişke qaray qaytıs boldı. Qazir qwtqaruşılar men qwqıq qorğau organdarı oqiğa ornında jwmıs istep jatır. Aldağı birneşe sağatta jağdaydı tolıq baqılauğa alamız dep ümittenemiz,” – dedi ministr.

Jarılıs senbi küni tañerteñ Parsı şığanağınıñ jağalauında, Bender-Abbas qalası mañında orın alğan. Jarılıstıñ naqtı sebebi äzirge belgisiz. Oqiğa ornına İşki ister ministri Eskandar Momeni özi barıp, jağdaydı jeke baqılauına aldı.

Ayta keteyik, bwğan deyin Iran portındağı jarılıstan zardap şekkender sanı 500-den asqanı habarlanğan bolatın. Qazaqstan Prezidenti Qasım-Jomart Toqaev Iran Prezidentine köñil aytu jedelhatın joldadı.