بەلگىلى ادەبيەتتانۋشى, فولьكلورتانۋشى عالىم, ۇلتتىق عىلىم اكادەميياسىنىڭ اكادەميگى, فيلولوگييا عىلىمدارىنىڭ دوكتورى سەيىت قاسقاباسوۆ 85 جاسىندا ومىردەن وزدى, دەپ حابارلايدى Shalqar.kz.

سەيىت اسقارۇلى – قازاق ادەبيەتى مەن فولьكلورتانۋ عىلىمىنىڭ دامۋىنا زور ۇلەس قوسقان ىرى تۇلعا. عالىمنىڭ ارتىندا 300-دەن استام عىلىمي ەڭبەك پەن مونوگرافييالار قالدى.

1940 جىلى سەمەي قالاسىندا دۇنيەگە كەلگەن سەيىت قاسقاباسوۆ سانالى عۇمىرىن عىلىم مەن بىلىمگە ارنادى. ول ماسكەۋدەگى م.گورьكيي اتىنداعى الەم ادەبيەتى ينستيتۋتىندا, قازاق كسر عىلىم اكادەميياسىندا, سونداي-اق م.و.اۋەزوۆ اتىنداعى ادەبيەت جانە ونەر ينستيتۋتىندا تۇرلى جاۋاپتى قىزمەتتەر اتقاردى.

سونداي-اق عالىم قازاقستانداعى ساياسي قۋعىن-سۇرگىنگە ۇشىراعان جازۋشىلار مەن قايراتكەرلەردى اقتاۋ ىسىنە بەلسەنە قاتىسىپ, ۇلتتىق تاريحتىڭ اقتاڭداق بەتتەرىن اشۋعا ۇلەس قوستى.

سەيىت قاسقاباسوۆ 2001-2011 جىلدارى م.و.اۋەزوۆ اتىنداعى ادەبيەت جانە ونەر ينستيتۋتىنىڭ ديرەكتورى بولدى. ادەبيەتتانۋ, فولьكلورتانۋ, قازاق رۋحانيياتى سالالارىندا وشپەس ىز قالدىرعان عالىمنىڭ ەڭبەگى قازاق عىلىمىنىڭ التىن قورىنا ەندى.