Bügin, 28 säuir – Düniejüzilik eñbekti qorğau küni. Bwl kün jwmısşılardıñ qwqıqtarın qorğau, eñbek qauipsizdigin nığaytu mäselelerine jahandıq nazar audaruğa arnalğan, dep habarlaydı Shalqar.kz.

Qazaqstanda soñğı bes jıl işinde öndiristik jaraqattanu deñgeyi 6,3%-ğa, al qaza tapqan jwmısşılar sanı 2,9%-ğa azaydı. Eñbek jäne halıqtı äleumettik qorğau ministrliginiñ mälimetinşe, bwl oñ özgerister josparlı türde qabıldanğan şaralardıñ nätijesi.

Biılğı eñbekti qorğau küniniñ taqırıbı — “Eñbek qauipsizdigi men gigienasına revolyuciyalıq közqarastar: jasandı intellekt pen cifrlandırudıñ röli”. Älemniñ tükpir-tükpirinde osı bağıtta türli is-şaralar ötip jatır.

Alayda halıqaralıq eñbek wyımınıñ derekterine qarağanda, problema äli de özekti: älemde jıl sayın 270 million jazatayım oqiğa tirkelip, 2 millionnan astam adam käsiptik aurular saldarınan köz jwmadı.

Qazaqstandağı ahual:
 • Jıl sayın 1400-den astam öndiristik jazatayım oqiğa boladı;
 • Onıñ 200-ge juığı adam ölimimen ayaqtaladı;
 • Eñ köp zardap şekkender tau-ken metallurgiya keşeni (15,3%) men qwrılıs salasında (12%).

Büginde elimizde 470 mıñnan astam adam ziyandı eñbek jağdayında jwmıs isteydi. 2024 jılı osınday eñbek üşin jwmıs beruşiler 297,4 mlrd teñge köleminde ötemaqı tölegen.

Eñbekmini qauipsiz eñbek jağdayların jaqsartu üşin:
 • 7,7 mıñnan astam öndiristik nısandı attestattaudan ötkizdi;
 • 1042 jazatayım oqiğa turalı is qozğap, 215 qılmıstıq is aştı;
 • 3262 käsiporında eñbek qauipsizdigi standarttarın engizdi.

Sonımen qatar, 2019 jıldan beri Vision Zero (“Nöldik jaraqat”) twjırımdaması engizilude. Büginde 605 käsiporın oğan qosılğan. Al 2024 jıldan bastap ziyandı jağdayda jwmıs istegender üşin arnayı äleumettik tölemder berile bastadı.

Qazaqstanda qauipsiz eñbek ortasın qalıptastıruğa bağıttalğan 2030 jılğa deyingi jaña Twjırımdama iske asırıluda. Onıñ ayasında cifrlıq eñbek kartaları engizilip, öndiristegi täuekelderdi naqtı uaqıt rejiminde baqılau mümkindigi jasaldı.

Al 2025 jılı 28-30 mamır aralığında eñbekti qorğau jäne önerkäsiptik qauipsizdik mäselelerine arnalğan halıqaralıq konferenciya men körme ötedi.