قازاقستان شەتەلدىك ينۆەستورلار ۇشىن تارتىمدىلىعىن ارتتىرا تۇسۋدە. 2024 جىلى ەلىمىزگە تارتىلعان تىكەلەي شەتەلدىك ينۆەستيتسييا كولەمى 17,2 ميلليارد دوللارعا جەتتى, دەپ حابارلايدى Shalqar.kz سىرتقى ىستەر مينيسترلىگىنە سىلتەمە جاساپ.

رەسمي مالىمەتكە سۇيەنسەك, ينۆەستيتسييا اعىمى داستۇرلى باعىتتارمەن شەكتەلمەي, وڭدەۋ ونەركاسىبى مەن IT سەكتورى سەكىلدى سالالاردا دا سەرپىن بايقالىپ وتىر.

ينۆەستيتسييا كولەمى نەگىزگى سالالار بويىنشا بىلايشا بولىنگەن:
 • تاۋ-كەن وندىرۋ ونەركاسىبى – 6,5 ملرد دوللار
 • كوتەرمە جانە بولشەك ساۋدا – 5,3 ملرد دوللار
 • وڭدەۋ ونەركاسىبى – 2,8 ملرد دوللار
 • كاسىبي, عىلىمي جانە تەحنيكالىق قىزمەتتەر – 916,5 ملن دوللار
 • اقپارات جانە بايلانىس – 571,9 ملن دوللار
 • قارجى جانە ساقتاندىرۋ قىزمەتى – 485,9 ملن دوللار
 • ەلەكترمەن جابدىقتاۋ جانە گازبەن قامتۋ – 370,8 ملن دوللار
 • قۇرىلىس – 289,6 ملن دوللار
 • كولىك جانە قويمالاۋ – 170,1 ملن دوللار
 • اكىمشىلىك قىزمەتتەر مەن باسقا دا سالالار – 98,8 ملن دوللار

قازاقستانعا ەڭ كوپ قارجى قۇيعان ەلدەر تىزىمىندە رەسەي كوش باستاپ تۇر – 4,1 ملرد دوللار. ودان كەيىن نيدەرلاند (3,8 ملرد دوللار), ال وڭتۇستىك كورەيا, بەلьگييا جانە قىتاي ارقايسىسى 1,2 ملرد دوللاردان ينۆەستيتسييا سالعان. سونداي-اق, فرانتسييا, كيپر, ۇلىبريتانييا, سينگاپۋر جانە تۇركييا ەلدەرى دە بەلسەندىلىك تانىتىپ, ارقايسىسى 597 ميلليوننان 843 ميلليون دوللارعا دەيىن قارجى باعىتتاعان.

مينيسترلىكتىڭ مالىمەتىنشە, شەتەلدىك كاپيتال ەندى تەك شيكىزات سالاسىنا ەمەس, جوعارى تەحنولوگييالار مەن وڭدەۋ ونەركاسىبىنە دە بەت بۇرا باستاعان. بۇل ۇردىس قازاقستان ەكونوميكاسىنىڭ ارتاراپتانىپ كەلە جاتقانىن كورسەتەدى.