2025 жылдың 1 мамырында Қазақстан халқы бірлігі күні ерекше маңызға ие. Биылғы мереке Қазақстан халқы Ассамблеясының 30 жылдығымен тұспа-тұс келіп отыр. Осыған орай елдің басты қалалары – Алматы мен Астанада мыңдаған адамды қамтитын түрлі ауқымды шаралар жоспарланған. Егер 1 мамырда қайда баруды білмей отырсаңыз – біз сізге ең қызықты бағдарламаларды ұсынбақпыз.

Алматы: Ән мен биден бастап спорт пен көрмеге дейін

Алматы қаласында мерекелік шаралар 1 мамыр күні сағат 10:30-да Абай алаңында басталады. “Бірлігі жарасқан Алматы” ұранымен өтетін мерекеде ұлттық билер, мәдени попурри, заманауи қойылымдар мен концерттік бағдарламалар ұсынылады.

Басты сахнада өнер көрсететіндер:
 • L Duo дуэті
 • Темірлан Бейсенбай (пианист)
 • Diamond ішекті триосы
 • Дудук шебері Мейірман Абдрахманұлы
 • “Дервиши”, Made in KZ, Ay Yola топтары
 • Қазақстанның халық әртісі Роза Рымбаева

19:00-де гала-концертте:
 • Айқын Төлепберген (хедлайнер)
 • Беркут, Марсель, Думан Марат, Мархаба Саби

Сондай-ақ, “Халық бірлігі объективте” атты фотокөрме мен 300 адамның қатысуымен Бірлік жүгіруі өтеді.

Алматының аудандарында да қозғалыс көп:
 • Әуезов: этноконцерт – 30 сәуір, Family Park
 • Алмалы: концерт – 1 мамыр, М. Ганди саябағы
 • Бостандық: “Атакент” аркасы алдында мереке
 • Жетісу: Арбатта спорт пен ойындар
 • Медеу: Орталық саябақта шоу
 • Түрксіб: №6 оқушылар үйінде концерт
 • Наурызбай мен Алатау аудандарында да түрлі мәдени кештер өтеді.