يوردانييا استاناسى امماندا وتىپ جاتقان 15-17 جاس ارالىعىنداعى جاسوسپىرىمدەر اراسىنداعى ازييا چەمپيوناتىندا قازاقستان تاعى بىر سپورتتىق سەنساتسييا جاسادى. جارىستىڭ فينالىنا 31 جەرلەسىمىز جولداما الىپ, قۇرلىقتىق دودادا ەڭ كوپ فيناليست شىعارعان ەل اتاندى, دەپ حابارلايدى Shalqar.kz.

بۇل چەمپيونات – World Boxing ۇيىمىنىڭ باستاماسىمەن العاش رەت ۇيىمداستىرىلىپ وتىر. قازاقستاندىق بوكسشىلار بارلىق قاتىسۋشى ەلدەردەن وزىق شىعىپ, كوش باستادى. وزبەكستان قۇراماسى 30 فيناليستپەن ەكىنشى ورىندا. ۇشتىكتى ۇندىستان (21), ودان كەيىن ۋكراينا (12), يران (6) جانە يوردانييا (4) بوكسشىلارى تۇيىندەيدى.

ايتا كەتەيىك, فينالدىق جەكپە-جەكتەر 1 مامىر كۇنى وتەدى.

كەلەر باسەكەلەر دە بەلگىلەندى:
 • 19-22 جاس ارالىعىنداعى جاستار اراسىنداعى ازييا چەمپيوناتى 20 شىلدە – 3 تامىز ارالىعىندا وتەدى;
 • ال ەرەسەكتەر اراسىنداعى تارتىستى تۋرنير 1–15 قازان ارالىعىنا جوسپارلانعان.