АҚШ пен Украина табиғи ресурстар саласындағы ынтымақтастық туралы маңызды келісімге қол қойды. Бұл жаңалықты АҚШ Қаржы министрі Скотт Бассетт мәлімдеді, деп хабарлайды Shalqar.kz.

Министрдің айтуынша, бұл келісім АҚШ Президенті Дональд Трамптың бейбітшілік орнату жолындағы табанды әрекеттерінің нәтижесі.

Құжат аясында тек ресурстар саласында емес, Украинаны қалпына келтіруге бағытталған инвестициялық қор құру туралы да келісім жасалды.

Сарапшылардың пікірінше, бұл қадам Трамп әкімшілігінің Ресеймен күрделі геосаяси жағдайда Украинаны қолдауын және бейбіт процесті жалғастыруға ниетті екенін айқын көрсетеді.

Айта кетейік, 11 сәуірде жарияланған шарт жобасында Украина тарапынан қауіпсіздік кепілдіктері қарастырылмаған. Сонымен қатар, жаңа келісім бұрынғыларға қарағанда әлдеқайда қатаң ережелерді қамтиды.