Душанбедегі додадан Қазақстандық дзюдошы қола медальмен оралды, деп хабарлайды Shalqar.kz.

Бүгін Тәжікстан астанасы Душанбеде дзюдодан халықаралық Grand Slam турнирі басталды. Қазақстандық спортшы Абиба Абужақынова (48 келіге дейін) жарысты жоғары деңгейде бастап, жартылай финалға дейін қарсылас шыдатпады.

Алайда 1/2 финалда қытайлық Чжуан Веннадан ұтылып қалды. Дегенмен, Абиба бұл сәтсіздіктен тез еңсесін көтеріп, қола жүлде үшін белдесуде өзбекстандық Улбусин Хакимованы айқын басымдықпен жеңді.

Осылайша, Grand Slam турнирінің алғашқы күнінде Қазақстан құрамасы алғашқы медалін еншіледі.