2025 жылдың ең маңызды оқиғаларының бірі — Астанада өтетін ауқымды әскери парад болмақ. Қорғаныс министрлігінің хабарлауынша, бұл салтанатты шеру Ұлы Жеңістің 80 жылдығы мен Отан қорғаушы күніне арналады, деп хабарлайды Shalqar.kz.

Мерекелік шара 7 мамыр күні Астанадағы Тәуелсіздік алаңында өтеді. Парадқа 4000-нан астам әскери қызметші, 200-ден астам әскери техника, сонымен қатар 66 бірлік ұшақ пен тікұшақ қатысады. Әскери авиацияның майдандық, армиялық және көліктік түрлерін көруге мүмкіндік болады.

 Ең бастысы — бұл көріністі ел тұрғындары тікелей эфирде тамашалай алады. Теледидар алдында отырып-ақ, нағыз әскери рухты сезінуге мүмкіндік бар.