Көктемнің соңғы айы Қазақстанда күншуақты әрі ыстық болғалы тұр. «Қазгидромет» мамандары 2025 жылдың мамырына арналған ауа райы болжамын жариялады. Синоптиктердің айтуынша, ай бойы еліміздің көп бөлігінде температура климаттық нормадан жоғары болады, деп хабарлайды Shalqar.kz.

Негізгі болжамдар мынадай:
 • Мамырда еліміздің батысы мен оңтүстігінде күн күрт ысиды — кей күндері ауа температурасы +36°С-қа дейін жетуі мүмкін.
 • Алматы, Жетісу, Абай және Шығыс Қазақстан облыстары мен солтүстік өңірлерде ауа райы салыстырмалы түрде тұрақты, жауын-шашынды болады.
 • Оңтүстік және оңтүстік-батыс өңірлерде шаңды дауылдар болуы мүмкін.
 • Мамырдың басында найзағай ойнап, жаңбыр жауады, жел күшейеді.
 • Кей жерлерде аяз болуы ықтимал: солтүстік пен орталықта -2°С-қа дейін суытуы мүмкін.

Аймақтарға бөлінген температура:
 • Батыс: түнде +4…+14°С, күндіз +15…+30°С.
 • Оңтүстік-батыс: түнде +10…+20°С, күндіз +20…+33°С.
 • Солтүстік пен шығыс: түнде 0…+5°С, кейде -6°С-қа дейін аяз, күндіз +10…+30°С.
 • Оңтүстік: күндіз +35°С-қа дейін аптап ыстық болады.

Күннің апта сайын құбылуы мүмкін екенін ескерсек, тұрғындарға ауа райы болжамын жиі бақылап отыру ұсынылады.