اقش رەسەيگە قارسى جاڭا ارى ىقپالدى سانكتسييالار پاكەتىن ازىرلەپ بولدى. بۇل جولى شەكتەۋلەر رەسەيدىڭ باستى تىرەگى — ەنەرگەتيكا مەن قارجى سالاسىنا باعىتتالۋى مۇمكىن, دەپ حابارلايدى Shalqar.kz Reuters اگەنتتىگىنە سىلتەمە جاساپ.

اقپاراتقا سەنسەك, ۆاشينگتوننىڭ نىساناسىندا – «گازپروم» سىندى ەنەرگەتيكالىق الپاۋىتتار مەن تابيعي رەسۋرستارعا يەلىك ەتەتىن ىرى كورپوراتسييالار, سونداي-اق نەگىزگى بانك جۇيەلەرى تۇر. جاڭا شارالار قازىرگى ۋاقىتتا اقش ۇلتتىق قاۋىپسىزدىك كەڭەسىنىڭ دەڭگەيىندە پىسىقتالىپ جاتىر.

سانكتسييالار توپتاماسى بۇرىنعى پرەزيدەنت دونالьد ترامپقا ۇسىنىلاتىن بولادى. الايدا ترامپتىڭ بۇل باستاماعا كەلىسەتىنى نەمەسە قارسى شىعاتىنى ازىرگە بەلگىسىز.

ۇلتتىق قاۋىپسىزدىك كەڭەسىنىڭ وكىلى دجەيمس حьيۋيتت مالىمدەمە جاساپ, پرەزيدەنت اتىستى تولىق توقتاتۋعا باسىمدىق بەرىپ وتىرعانىن اتاپ وتتى. بىراق كەلىسسوزدەرگە قاتىستى ناقتى اقپارات بەرۋدەن باس تارتتى.

رەسەي ەكونوميكاسىنا قىسىم كۇشەيە تۇسۋى مۇمكىن. بۇل سانكتسييالار ماسكەۋدىڭ حالىقارالىق نارىقتاعى ىقپالىنا اسەر ەتىپ, جاھاندىق ەنەرگەتيكالىق تەڭگەرىمگە دە وزگەرىس اكەلۋى ىقتيمال.