Туризм және спорт министрлігі 2024 жылдың қорытындысы бойынша қазақстандықтар ең көп қызығатын спорт түрлерінің рейтингін ұсынды. Статистикада бұқаралық спорт түрлеріне басымдық берілген, деп хабарлайды Shalqar.kz.

Көш басында — футбол. Бұл спорт түрімен елімізде 1 миллионнан астам адам айналысады. Дәлірек айтсақ, 1 113 299 қазақстандық футбол үйірмесіне қатысады, олардың жартысынан көбі – ауыл тұрғындары. Бұл футболдың кең таралған және қолжетімді спорт екенін дәлелдейді.

Ал үздік ондыққа кірген спорт түрлері төмендегідей:
 1. Футбол – 1 113 299 қатысушы (ауылда – 589 394)
 2. Классикалық волейбол – 767 580 (ауылда – 421 035)
 3. Баскетбол – 541 819 (ауылда – 238 853)
 4. Футзал – 368 349 (ауылда – 130 744)
 5. Жеңіл атлетика – 347 654 (ауылда – 174 261)
 6. Шахмат – 278 101 (ауылда – 128 243)
 7. Үстел теннисі – 262 835 (ауылда – 127 416)
 8. Дойбы – 213 490 (ауылда – 115 198)
 9. Тоғызқұмалақ – 202 217 (ауылда – 119 302)
 10. Қазақ күресі – 160 399 (ауылда – 87 030)

Министрлік бұл көрсеткіштер халықтың саламатты өмір салтына деген қызығушылығы артқанын айғақтайды дейді. Алдағы уақытта бұқаралық спортты дамыту және өңірлерде инфрақұрылымды жақсарту жұмыстары жалғаса бермек.