Астанада өтетін Qazaqstan Barysy Grand Slam турнирі алдында Қазақстан дзюдо құрамасы ашық жаттығу ұйымдастырды. Шараға елдің ұлттық құрамасының спортшылары мен Англиядан келген дзюдошылар қатысты, деп хабарлайды Shalqar.kz.

Ұлттық құраманың бапкері Жансай Смағұлов спортшылардың дайындық деңгейі жоғары екенін атап өтіп, жақсы нәтиже күтетініне сенім білдірді.

“Дайындық жақсы деңгейде өтті. Спортшыларымызға сәттілік тілеймін. Жақсы нәтиже көрсетеміз деп ойлаймын”, — деді Смағұлов.

Айта кетейік, Qazaqstan Barysy Grand Slam турнирі 9–11 мамыр күндері Астанада өтеді. Бұл әлемдік рейтингке әсер ететін маңызды жарыс болып табылады.