ەندى كەدەن بەكەتتەرىندە زاڭ بۇزۋشىلىققا تاپ بولساڭىز, ەشكىمگە جالىنباي-اق تىكەلەي مەملەكەتتىك كىرىستەر كوميتەتىنىڭ توراعاسىنا شاعىم تۇسىرە الاسىز. بارلىق كەدەن بەكەتتەرى مەن كەدەندىك رەسىمدەۋ ورتالىقتارىنا ارنايى QR-كودپەن جۇمىس ىستەيتىن «قىزىل تۇيمە» ورناتىلدى, دەپ حابارلايدى Shalqar.kz.

بۇل نە بەرەدى?
جاڭا باستاما كەدەندەگى قىزمەت كورسەتۋ ساپاسىن باقىلاۋعا جانە قىزمەتكەرلەر تاراپىنان ادەپسىز ارەكەتتەردىڭ الدىن الۋعا باعىتتالعان. ازاماتتار نەمەسە كاسىپكەرلەر QR-كودتى سكانەرلەپ, بىرنەشە مينۋت ىشىندە شاعىم نەمەسە ۇسىنىس جولداي الادى. قالاساڭىز, وتىنىمدى انونيمدى تۇردە دە جىبەرۋگە بولادى.

مكك رەسمي تۇسىنىكتەمەسىندە بىلاي دەلىنگەن:

«كەدەرگى نەمەسە ساپاسىز قىزمەت كورسەتىلگەن جاعدايدا, ار ادام وسى مۇمكىندىكتى پايدالانا الادى. بۇل — ادىل, اشىق ارى كليەنتكە باعىتتالعان كەدەن جۇيەسىن قالىپتاستىرۋ جولىنداعى ماڭىزدى قادام. مەملەكەت پەن قوعام بىرىگە وتىرىپ عانا سەنىمدى ارى ساپالى قىزمەت كورسەتە الادى».

ايتا كەتەيىك, بۇعان دەيىن پرەمьەر-مينيستر ولجاس بەكتەنوۆ كەدەن سالاسىنا قۇقىق قورعاۋ ورگانىنىڭ فۋنكتسييالارىن بەرۋ قاجەت ەكەنىن ايتقان بولاتىن.